01
أحسنو عوني
أعذرني يا صاحبي راني هايــــــــــــــــــــــــم وأحسن عوني كون عارف أحوالــــــــــــــــي
داخل بحر الحب راني نتألــــــــــــــــــــــــــــم نحكيلك يا صاحبي واش أجرالــــــــــــــــــــي
نحكيلك بسراري ولازم تفهــــــــــــــــــــــــــم لا تتكلم وكون حافظ لقوالـــــــــــــــــــــــــــي
ماننساش خيالو الدايــــــــــــــــــــــــــــــــــــم لا عاشر طول الوقت ساكن خيالـــــــــــــــــي
متوحش محبوبي راها عدهـــــــــــــــــــــــــم وين هو أبوها العزيز يلقالـــــــــــــــــــــــــــي
يحكي لي أخبارو على الزين المبســـــــــــــــم وإذا كمل مزيتوا يوصفولــــــــــــــــــــــــــــــــي
فتان حبيبي في الزين يرمي بالسهـــــــــــــــم وحليل اللي صباو كيما حالـــــــــــــــــــــــــــي
عينيه محلاهم ربي يحفظهـــــــــــــــــــــــــــم فتنة لعشاق الأغواط وكيما أمثالــــــــــــــــــــــي
فكرتني عمري بأيام فاتو محلاهـــــــــــــــــــــم ومع وهو البال والوقت آمالـــــــــــــــــــــــــي
ما بقي حبيبي يرحل من عندهــــــــــــــــــــــم وإيجي عندي إلى الأغواط ويسكن فيه غزالي
فأعذريني يا حبيبتي راني هايـــــــــــــــــــــــم وأحسني عوني لازم تعرفي أحوالـــــــــــــــي
غارق في بحر الحب راني نتألــــــــــــــــــــــم نحكيلك يا حبيبتي واش أجرالــــــــــي
نعطيك أسراري ولازم تفهـــــــــــــــــــــــــــــم لا تتكلم وكوني حافظة لقولــــــــــــــــــــــــــي
ماننساش أخيالك الدايــــــــــــــــــــــــــــــــــــم عاشر طول الوقت ساكن أخيالـــــــــــــــــــــي
مشتاق ومتوحش حبيبتي راها عدهـــــــــــــــــم وين هو أبوها العزيز عليها يلقالـــــــــــــــــي
يحكولي أخبارو على ذاك الزين المبســـــــــــم إذا كلمت أمها مزيتها توصفها لـــــــــــــي
فتانة خليلتي في الزين ترمى بالســــهـــــــــم وحليل اللي صابها كيما حالـــــــــــــــــــــــــي
عينيها كحل سم محلاهم ربي يحفظهـــــــــــــم فتنة لعشاق الأغواط وكيما أمثالـــــــــــــــــــــي
فكرتني عمري بأيام الشتاء اللي فاتو محلاهـم مع زهر البال والمورال الوقت أمالـــــــــــــي
راني نسنى فيها ما بقات ترحل من عدهـــــــم وأتجي عندي إلى الأغواط وتسكن فيه غزالي
خليهم يهدرو وأيقولو ما تسمعيش لكلامهــــم أنت حبيبتي خطيبتي وتكوني زوجتي أحلالــي
تعليقات